May tricycle driver na madalas ang uwi ay hating gabi na. Sa daan pauwi ay kailangan nyang lampasan ang sementeryo.
Isang gabi, habang siya ay nagmamaneho pauwi, may nakita siyang sobrang puti at magandang babae na nakatayo sa tabi ng sementeryo, kumakaway.
Dahil malambot ang puso ng tricycle driver, naawa siya at isinakay ang babae kahit siya ay kinakabahan.
Kinabahan ang tricycle driver ng husto kaya binilisan niya ang takbo ng tricycle. Nais niyang malampasan ang nakakatakot na sementeryo.
Pagkalamapas niya, siya ay nakahinga ng malalim. Subalit pag tingin niya sa kanyang passenger, ito ay wala na.
Nung susunod na gabi, ay nakita niya ulit ang babae at isinakay ulit ito. Muli din siyang kinabahan, nagmadali palampas ng sementeryo, at paglingon ay nawala ulit ang babae.
Sa pangatlong gabi ay muli niyang nakita ang babae. Talaga nga namang mabait itong tricycle driver so muli niyang pinasakay ang babae.
Habang siya ay nagmamaneho ay tinamaan ulit siya ng matinding kaba. Binilisan niya ang takbo ng tricycle upang makalampas ng sementeryo. Subalit nung tumingin siya sa kanyang rear view mirror, napansin niya na lumalapit ang babae sa kanya.
Kinabahan ng husto ang driver at talagang binilisan ang tricycle. Nakikita niya na papalapit ng papalapit ang babae.... mukhang inaabot siya.... hanggang bigla siyang hinawakan sa braso..... at sinabing.....
"Mama, pwede po bang pakibagalan niyo naman po ilang beses na po akong nahulog eh!"